18 yoshdan katta volontyorlar uchun Turkiyada 5 kunlik Xalqaro Yosh Volontyorlar Lageri
-
01/07/2022 Qabul boshlanishi
-
Qisman Moliyalash turi
-
Turkiya Davlat
-
01/08/2022 02:00 Oxirgi muddat
Umumiy maʻlumotlar
Islom Hamkorligi Yoshlar Forumi (ICYF) Turkiya Respublikasi Yoshlar va Sport vazirligi bilan hamkorlikda yosh volontyorlar uchun Xalqaro Yosh Volontyorlar Lagerini tashkil etadi.
Lager Turkiyaning Antaliya shahrida ayol-qizlar va yigitlar uchun alohida tashkil etiladi:
- 19-23-oktyabr - yigitlar;
- 26-30-oktyabr — ayollar va qizlar uchun.
Dunyo boʻylab turli yoshdagi va madaniyatlarga mansub koʻplab insonlar:
- qashshoqlikni bartaraf etish;
- sogʻliqni saqlash va taʼlim xizmatlarini yaxshilash;
- Insonlarni xavfsiz suv manbalari va sogʻlom sharoitlar bilan taʼminlash;
- Atrof-muhit muammolari va iqlim oʻzgarishi bilan kurashish;
- Ofatlar xavfini kamaytirish maqsadida volontyorlik ishlarida ishtirok etadilar.
Joriy yilda lager IHT geografiyasidagi mavjud gumanitar inqirozlar haqida xabardorlikni oshirish va yosh volontyorlarga nazariy, amaliy va simulyativ mashgʻulotlar va seminarlar doirasida ushbu inqirozlarni hal qilish hamda tiklanish jarayonlarida faol ishtirok etish imkoniyatini berishdan iborat.
Lager va uning maqsadlari haqida batafsil rasmiy sayt orqali maʼlumot olish mumkin.
Maqbullik shartlari
Ariza beruvchi quyidagi talablarga javob berishi kerak:
- IHTga aʼzo davlat, kuzatuvchi davlat fuqarosi yoki IHTga aʼzo boʻlmagan davlatdagi musulmon jamiyati vakili;
- Ingliz tilida muloqot qilish qobiliyatiga ega;
- 18-35 yosh oraligʻida;
- Avval gumanitar va volontyorlik ishlarida ishtirok etgan;
- Jamoada ishlash qobiliyatiga ega;
- Volontyorlik faoliyati va tajribasiga ega;
- Volontyorlik bilan bogʻliq loyihalarda ishtirok etgan/yoki koordinatorlik qilgan;
- Mahalliy hamjamiyatga taʼsir koʻrsatadigan yetakchilar;
- Toʻliq lager oʻquv dasturida qatnashish uchun ishtiyoqli va masʼuliyatli boʻlgan nomzodlar saralab olinadi.
Rasmiy sayt orqali dastur talablari haqida batafsil maʼlumot olish mumkin.
Foydali tomonlari
Tashkilotchilar quyidagi xarajatlarni qoplaydi:
- Turar-joy;
- Oziq-ovqat;
- Shahar boʻylab mahalliy safar xarajatlari va tibbiy sugʻurta.
Toʻliq ishtirok etgan ishtirokchilar ICYF va dastur hamkorlari tomonidan berilgan ishtirok sertifikati bilan taqdirlanadilar.
Shuningdek, ICYF ishtirokchilarga viza berishni osonlashtirish uchun taklifnomani taqdim etadi.
Muhim: Har bir ishtirokchi oʻz viza jarayonini davom ettirishi va xarajatlarini qoplashi lozim. Xalqaro sayohat xarajatlari tashkilotchilar tomonidan qoplanmaydi.
Dastur imtiyozlari bilan batafsil ushbu havola orqali tanishib chiqish mumkin.
Qoʻshimcha maʻlumotlar
Qoʻshimcha savol va murojaatlar bilan bogʻlanish uchun: youthcamp@icyforum.org.